حبيبتي من غير مكياج أحلى

حبيبتي من غير مكياج أحلى بتنزل الشارع بسرعه ولا حاطه حاجه في وشها
تصدقوا حتى وهيه كدا ولا مليون واحده زيها
حتى وهيه لسه صاحيه من نومها ولسه مغيرتش هدومها
لاغيه كل اللي ف سنها غيرانه مرايتها منّها وقامت نازله رايحه شغلها

استحاله تكون دي حاله غريبه حصلتلي لما شوفتها
منا كل يوم بشوفها عادي قصادي ولا بقول كلمه من اللي دلوقتي قولتها
طب ليه النهارده بالزات صارحتها
ان الليله حبيتها حب لدرجه محدش هيقدر يوصلها

وعد مني قلبي ليكي عقلي ليكي كل حواسي ليكي
بنسى نفسي روحي لما بكون لامس بس ايديكي
واللهي كلامي ما ييجي حاجه فيكي ولا كتير عليكي

طب استنوا عشان تصدقوني هوصفلكوا شكلها هحكيلكوا على تقاطيع وشها
واللهي ما هعرف اوفيها حقها انا حكيتلكوا القصه زي ما سمعتها
متستغربوش انا معنديش ولا هيبقى عندي حبيبه زيها
ادعولي الاقي اللي ف خيالي حقيقه بس ياريت في دقيقه
عشان خلاص هموت من احساس الوحده لا وفوقيه احساسي ببُعدها