شوربه فواكه البحر ... بالصور

المقادير والطريقه:-

في قدر الضغط او القدر العادي لو ما عندك

سخني ملعقه زيت وقلبي فيها ورق لورا ( الغار) وبصله سليمه و3 حبه مستكه لين المستكه تذوب والبصله تشقر

تضيفين جزره مقطعه كبير وكراث مقطع الجزء الابيض و 3 حبات هيل وتقلبين

وبعدين ضيفي الماء وخلي يغلي

تكونين مجهزه البحريات اللي تبيها وانا استخدمت فيليه السالمون و روبيان والخثاق

ممكن تضيفين المحار او الاخطبوط او ام الربيان مثل ما تحبين

وخلي المكونات تغلي وسكري القدر وخلي تقريبا 20 دقيقه

ملاحظه : للحصول على شوربه لذيذه لا تضيفين ماء سلق وايد خلي الشوربه مركزه يعني تقريبا تغطي المقادير وسويها على نار متوسطه

اعصري ليمونه كبيره تقريبا تطلع 3 ملعقه طعام عصير ليمون

بعد
ما تستوي الاسماك صفي الشوربه وحطي المرق في قدر نظيف و نظفي الفيليه من
الشوك وضيفيه للمرق مع باقي المكونات البحريه فقط يعني لا تضيفين الخضراوات

ذوبي ملعقه دقيق في ربع كوب من الشوربه وضيفيها على الشوربه وقلبيها هاي الخطوه تعطي الشوربه سماكه ولون ابيض محبب

ضيفي عليها الملح والفلفل الابيض والليمون وخليها تغلي لمده 10 دقائق

وقدميها ساخنه وممكن تضيفين كزبره خضراء او بقدونس مفروم حسب الرغبه

شكرا لك على الموضوع الجميل و المفيذ ♥

جزاك الله الف خير على كل ما تقدمه لهذا المنتدى ♥

ننتظر ابداعاتك الجميلة بفارغ الصبر

» شوربه بيضاء باجنحه الدجاج ...............بالصور
» بالصور .. البحر الأسود يتجمد لأول مرة منذ 30 سنة
» نيولوك بالصور
» شونيون بالصور
» البيتي فور ... بالصور