قالب اللحمة المفرومة

قالب اللحمة المفرومة
قالب اللحمة المفرومة
المقادير
نصف كليلو لحمة مفرومة
ابصلة كبيرة مبشورة
ا او 2 بيضة
3 فص ثوم مفروم
2 ملعقة صلصة
نصف كوب كاتشب
نص كوب بقسماط
ملح - فلفل - لو فيه ثوم وبصل بودر عندك ممكن ملعقة صغيرة ثوم وبصل وولو مش متاح عادى
دى مقادير لو سادة اما لو محشية ممكن تتحشى هود دوج - خضلر(بسلة وجزر) - ممكن كوسة شرايح اللى تحبية
أو بيض مسلوق ولو هتحشيه بيض لازم بعد سلق البيض تغلفى البيض بالدقيق لان صفار البيض بيغمق من جوة
والدقيق مادة عازلة وممكن تبتكروا أنتو فى الحشو والطريقة أنا عن نفسى بحبها سادة

الطريقة
نضع اللحمة والبصل والثوم والتوابل والبيض والصلصة مع بعض ونقلبهم مع بعض اوى ثم نضع البقسماط على حسب احتياجنا
لغاية لما نلاحظ انها بقت متماسكة نفسها كانها هتبقى كفتة
وتتعمل على شكل قالب او بمعنى كوز البسطرمة
وبعد كده ندهنها بالكاتشب من برة ونضعها فى ورق فويل مش نلفها لا نجيب ورقة فويل كذا طبقة ونحط اللحمة عليها الورقة تبقى
على اد القالب مش لازم كبيرة يعنى وبعد كده نحطها فى صنية او لا على حسب راحتك لانها مش بتنزل دهون على حسب نوع اللحمة تكون برضو حمرا الا حد ما انا عن نفسى بعملها باللحمة البلدى ولحمة حلوانى .

بالنسبة لوقت السوا هى بتستغرق من نصف ساعة الى ساعة الا ربع وفى نصف الوقت بنخرجها ندهنا كاتش وندخلها تكمل سوا وبعد لما تخرج ممكن تقطعيها او لما تبردذى لما تحبى انا بحبها باردة أوى
وبعدين بتبقى طعمها حلو اوى قريبة من طعم الهامبورجر الاطفال هتحبها أوى
أنا جوزى مش بياكل اللحمة اساسا بقى بيعشقها وبيطلبها على طول ممكن تتقدم فى أى عزومة سهلة وحلوة ولما بتبات بتبقى جميلة اوى
أنا لو حد جيلى بحضرها قبلها بيوم وأحطها فى التلاجة وتانى يوم أعملها على أنها تدخل الفرن بس وممكن تتعمل مع مكرونة وأنتى ورحتك واللى يجربها يقول ابتكر فيها ايه